గరిక పూలవనం -పత్తిపాటి రూపలత

పేరు -- పత్తిపాటి రూపలత 
అంశం -- గరిక పూలవనం  
శీర్షిక -- రంగుల తివాచీ
సంఖ్య -- 114
****
లేలేత భానుడి కిరణాలు 
భువి మీద పడగానే 
పచ్చటి గరిక తివాచీపై  
విచ్చిన రంగుల పువ్వులు 
చిరునవ్వులు చిందిస్తూ 
స్వాగతం పలికేవేళ  
ఆ దృశ్యం ఎంత మనోహరం 
పూజకు పనికిరాకపోతేనేం  
లోకానికి వెలుగిచ్చే 
ఆ తేజోమయుడికి ఉషోదయాన వర్ణ శోభితంగా ఆహ్వానం పలికి లోకాన్ని చైతన్యం చేయమంటాయి 
చూడడానికి చిట్టి పువ్వులే 
కానీ అవని చీరంతా పరచుకున్న 
తారల్లా ఆ చిన్ని పువ్వులే 
దేవుడి పాదాల చెంతకు చేరవు  
అమ్మాయి వాలుజడలో నిలువవు  
ప్రకృతి కన్యకు మాత్రం 
అందాన్ని చుట్టబెడతాయి  
అపురూప బంధంతో అలరారుతాయి  
ఆమని పిలిచే వేళ
అవనికి అందాన్ని పంచి 
వసంతగీతికనాలపిస్తాయి
మన ఆనందంలో భాగస్వామ్యానికి సై అంటాయి