కోకిలమ్మ - Yamsani Soumya
అంశం: కోకిలమ్మ
శీర్షిక:నీ పాట పంచామృతం
ఆకురాల్చిన తరువులకు ఊపిరి పోస్తూ,
చిగురులు తొడిగిన వసంతపు చిన్ని చిన్ని అందాలతో ఆమని తడిసిపోగా,
కేరింతలతో భ్రమరాలు ఝుంఝుం నాదాలు చేయగా కొత్తచిగురు తొడిగిన చెట్టు కొమ్మ మాటున మదినిదోచే ఓ కొంటె రాగం కుహూ-కుహూ మంటుంది.
ఎంత వినినా తనివి తీరని రాగమది,
మనసును మైమరపించే మధురగానమది,
ఆమనినే పులకరింపజేసే బంగరు గొంతుకది,
తన మేని రంగుకు అందని అపురూపరాగమది.
చైత్రమాసపు వెలుగులో ప్రకృతి అందాలకు సొబగులద్దుతూ కడు రమణీయంగా కూస్తుంది ఆ కోకిలమ్మ,
పల్లెతల్లి ఎదలో ఒదిగే బంగరుబొమ్మ..
పిల్లల అల్లరి మాయం చేస్తూ
సాగే ఆ గీతం,
మరల మరల వినాలని కర్ణములు తాపత్రయపడగా,
కవుల కలములకు సువర్ణవస్తువై విరాజిల్లుతూ,
మధురగానానికి చిరునామాగా తన నామమే నిలుపుతూ
తెలుగు సంవత్సరాధిని తన సరిగమల స్వరాలతో ఆహ్వానిస్తూ,
కొమ్మ చాటు కోకిలమ్మ కుహూకుహూ మని ఆలపిస్తూ ఉంటుంది.
శీర్షిక:నీ పాట పంచామృతం
ఆకురాల్చిన తరువులకు ఊపిరి పోస్తూ,
చిగురులు తొడిగిన వసంతపు చిన్ని చిన్ని అందాలతో ఆమని తడిసిపోగా,
కేరింతలతో భ్రమరాలు ఝుంఝుం నాదాలు చేయగా కొత్తచిగురు తొడిగిన చెట్టు కొమ్మ మాటున మదినిదోచే ఓ కొంటె రాగం కుహూ-కుహూ మంటుంది.
ఎంత వినినా తనివి తీరని రాగమది,
మనసును మైమరపించే మధురగానమది,
ఆమనినే పులకరింపజేసే బంగరు గొంతుకది,
తన మేని రంగుకు అందని అపురూపరాగమది.
చైత్రమాసపు వెలుగులో ప్రకృతి అందాలకు సొబగులద్దుతూ కడు రమణీయంగా కూస్తుంది ఆ కోకిలమ్మ,
పల్లెతల్లి ఎదలో ఒదిగే బంగరుబొమ్మ..
పిల్లల అల్లరి మాయం చేస్తూ
సాగే ఆ గీతం,
మరల మరల వినాలని కర్ణములు తాపత్రయపడగా,
కవుల కలములకు సువర్ణవస్తువై విరాజిల్లుతూ,
మధురగానానికి చిరునామాగా తన నామమే నిలుపుతూ
తెలుగు సంవత్సరాధిని తన సరిగమల స్వరాలతో ఆహ్వానిస్తూ,
కొమ్మ చాటు కోకిలమ్మ కుహూకుహూ మని ఆలపిస్తూ ఉంటుంది.
Comments
Post a Comment